Վրաստանի Արտաքին գործերի նախարարությունը դատապարտել է ԵԽԽՎ բանաձևը՝ այն համարելով երկրի ինքնիշխանությունը խաթարելու փորձ

Վրաստանի արտաքին գործերի նախարարությունը դատապարտել է ԵԽԽՎ բանաձևը՝ այն համարելով երկրի ինքնիշխանությունը խաթարելու փորձ։

Վրացական ԶԼՄ-ների փոխանցմամբ՝ Վրաստանի արտաքին գործերի նախարարությունը խիստ քննադատել է Եվրոպայի խորհրդի խորհրդարանական վեհաժողովի (ԵԽԽՎ) բանաձևը, որը խոսում է երկրում ժողովրդավարական շարունակական նահանջի մասին։ Թբիլիսին հայտարարել է, որ փաստաթուղթը հիմնված է «կողմնակալ մեկնաբանությունների» վրա, » և միջազգային կազմակերպությունը վերածում է քաղաքական ճնշման գործիքի։

 Արտաքին գործերի նախարարությունը պնդել է, որ տարածված հայտարարության մեջ   Վրաստանում ժողովրդավարական ինստիտուտների գործունեության վերաբերյալ զեկույցը հիմնված չէ փաստերի օբյեկտիվ գնահատման վրա և պարունակում է միակողմանի քաղաքական եզրակացություններ։ Նախարարությունը նաև մտահոգություն է հայտնել, որ մարդու իրավունքներն ու ժողովրդավարությունը պաշտպանելու համար ստեղծված ինստիտուտը «ավելի ու ավելի է օգտագործվում որպես քաղաքական ճնշման գործիք»։

Թբիլիսին անընդունելի է անվանել  ժողովրդավարական ճանապարհով ընտրված կառավարությանը վարկաբեկելու և քաղաքական ուժերին աջակցելու փորձերը, որոնք, իշխանությունների կարծիքով, չեն ճանաչում ընտրողների կամքը։ Վրացական կողմը նաև մերժել է վերջին տարիներին օրենսդրական փոփոխությունների քննադատությունը և որոշակի օրենքներ չեղյալ համարելու պահանջները՝ նշելով, որ դրանք ընդունվել են Սահմանադրությանը և երկրի ազգային շահերին համապատասխան։