«Տեր-Պետրոսյանը, Քոչարյանն ու Սարգսյանը եղել ու շարունակում են լինել Հայաստանի անկախության գլխավոր թշնամիները»․ Ռուբեն Ռուբինյան

ՀՀ Ազգային ժողովի նախագահ Ռուբեն Ռուբինյանը ֆեյսբուքյան իր էջում անդրադարձել է Հայաստանի նախկին նախագահներ Լևոն Տեր-Պետրոսյանին, Ռոբերտ Քոչարյանին և Սերժ Սարգսյանին՝ նրանց անվանելով Հայաստանի անկախության գլխավոր թշնամիներ։

«Լևոն Տեր-Պետրոսյանը, Ռոբերտ Քոչարյանն ու Սերժ Սարգսյանը եղել ու շարունակում են լինել Հայաստանի անկախության գլխավոր թշնամիները»,- գրել է Ռուբինյանը։

Նրա խոսքով՝ նախկին նախագահների քաղաքական ժառանգները շարունակում են պայքարել Հայաստանի անկախության դեմ՝ հանուն իրենց «կալուգացի տերերի»։

Ռուբինյանն անդրադարձել է նաև Արամ Մանուկյանին՝ նշելով, որ ամաչում է նրա փոխարեն, քանի որ, իր գնահատմամբ, վերջինս վերածվել է «լիակատար Լևոն Զուրաբյանի»։

Գրառման վերջում ԱԺ նախագահը նշել է. «Կալուգյան վարձկանները պարտվելու են անկախ Հայաստանին»։