Վլադիմիր Զելենսկին շնորհավորել է Իլհամ Ալիևին
Իր ուղերձում Զելենսկին շեշտել է, որ Ուկրաինան անփոփոխ կերպով աջակցում է պետությունների ինքնիշխանությանը, անկախությանը և տարածքային ամբողջականությանը՝ միջազգայնորեն ճանաչված սահմաններում։

Ուկրաինայի նախագահ Վլադիմիր Զելենսկին շնորհավորական նամակ է հղել Ադրբեջանի նախագահ Իլհամ Ալիևին՝ երկրի Անկախության օրվա առթիվ։ Այս մասին հայտնում է Ադրբեջանի նախագահի պաշտոնական կայքը։
Իր ուղերձում Զելենսկին շեշտել է, որ Ուկրաինան անփոփոխ կերպով աջակցում է պետությունների ինքնիշխանությանը, անկախությանը և տարածքային ամբողջականությանը՝ միջազգայնորեն ճանաչված սահմաններում։ Նրա համոզմամբ՝ այս սկզբունքներին հավատարմությունն այսուհետ ևս կմնա Սև ծով-Կասպից ծով տարածաշրջանում կայունության և անվտանգության հիմքը։
Ուկրաինայի ղեկավարը վստահություն է հայտնել, որ երկու երկրների միջև էներգետիկայի, լոգիստիկայի, տրանսպորտային կապերի, ենթակառուցվածքների և անվտանգության ոլորտներում համագործակցության հետագա զարգացման մեծ պոտենցիալ կա.
«Գլոբալ էներգետիկ և լոգիստիկ երթուղիների տրանսֆորմացիայի պայմաններում մեր պետությունների դերն ու կայունությունը տարածաշրջանային փոխգործակցության ապահովման գործում էլ ավելի կմեծանա։ Հավատում եմ, որ Ադրբեջանի և Ուկրաինայի միջև ռազմավարական գործընկերությունն այսուհետ ևս կամրապնդվի՝ ի շահ մեր պետությունների և ժողովուրդների»,- ասված է նամակում։
Կարդացեք նաև
Քաղաքականություն29 մայիսի 2026
Ռուսաստանում Հայաստանյան ապրանքների սահմանափակումները բացասաբար չեն անդրադառնա Ռուսաստանի տնտեսության վրա
Նման տեսակետ է հայտնել ՌԴ տնտեսական զարգացման նախարար Մաքսիմ Ռեշետնիկովը:
Քաղաքականություն29 մայիսի 2026
Կեղծ աստղագուշակներ, կլոն կայքեր, Storm-1516. The Insider-ի նոր հետաքննությունը ՌԴ միջամտության փորձերի մասին
Կեղծ աստղագուշակներ, կլոն կայքեր, Storm-1516. The Insider-ի նոր հետաքննությունը ՌԴ միջամտության փորձերի մասին
Քաղաքականություն29 մայիսի 2026
Ռուսաստանի համար ընդունելի է այն ամենը, ինչը լավ է հայերի համար.Վլադիմիր Պուտին
Պուտինը հիշեցրել է, որ Ուկրաինայի ճգնաժամը սկսվել է ԵՄ-ին միանալու փորձերից: