Վերջնականացրել ենք դիզայնը. ՆԳ նախարարը՝ կենսաչափական անձնագրերի մասին

«Այս պահին բավական ակտիվ փուլում ենք գտնվում. վերջնականացրել ենք դիզայնը»:

Այս մասին լրագրողների հետ զրույցում հայտարարել է ՆԳ նախարար Արփինե Սարգսյանը՝ անդրադառնալով կենսաչափական անձնագրերի տպագրությանը:

«Առաջիկայում կարծում եմ՝ ևս մեկ անգամ առիթ կունենամ այցելելու Նիդերլանդների համապատասխան արտադրամաս, և արդեն 2026 թվականի աշնանը մեր քաղաքացիներին պատշաճ կերպով կմատուցենք այս ծառայությունները:

Առաջիկայում նաև գրասենյակների մասով որոշակի տեղեկատվություն կտանք, թե որտեղ են հատկապես լինելու, որովհետև երկփուլ ենք նախատեսում. նոր որակի, նոր ստանդարտի գրասենյակները կշահագործենք, հետո դրանց թիվը կավելացնենք»,- նշել է նախարար Սարգսյանը: