Ողբերգական ավտովթար Արագածոտնի մարզում․ կա 9 զոհ և 3 վիրավոր

Նոյեմբերի 3-ի երեկոյան Արագածոտնի մարզում տեղի ունեցած խոշոր ավտովթարի հետևանքով զոհերի թիվը հասել է 9-ի, ևս 3 մարդ վիրավորվել է։

Ինչպես հայտնում են ՀՀ ՆԳՆ փրկարար ծառայությունից, նոյեմբերի 3-ին՝ ժամը 20։55-ի սահմաններում, Ապարան-Աշտարակ ավտոճանապարհի՝ Օհանավան բնակավայրի մոտակայքում բախվել են չորս ավտոմեքենա։

Դեպքի վայր են մեկնել փրկարար ծառայության և ոստիկանության աշխատակիցները։ Վթարի հետևանքով տուժածները տեղափոխվել են բժշկական կենտրոն։

Նախնական տեղեկություններով՝ բախվել են «Jeep Compass», «Opel Zafira», «Chevrolet Volt» մակնիշի ավտոմեքենաներն ու կցորդիչով բեռնատարը։

Փաստի առթիվ հանգամանքները պարզվում են։