Վեդիի գործով երկու ձերբակալվածները կալանավորվել են

Վեդիում անչափահաս քույրերի նկատմամբ տեղի ունեցածի գործով երկու ձերբակալվածները կալանավորվել են, «Ազատությանը» փոխանցեցին ՔԿ-ից:

Գլխավոր դատախազությունից հայտնել էին՝ Վեդիում տեղի ունեցածի կապակցությամբ հանրային քրեական հետապնդում է հարուցվել երկու անձի նկատմամբ, նրանք ձերբակալվել են, կալանքի միջնորդություն է ներկայացվել:

Անձինք մեղադրվում են Քրեական օրենսգրքի 198-րդ հոդվածի 2-րդ մասի 2-րդ և 4-րդ կետերով՝ «խոցելի վիճակում գտնվող անչափահասի նկատմամբ սեքսուալ բնույթի բռնի գործողություններ կատարելը»:

Սեռական բռնության մասին առաջին ահազանգից երեք ամիս անց ու միայն լրագրողների բացահայտումներից հետո են 2 տղամարդիկ առերեսվել Վեդիում բնակվող անչափահաս աղջիկներից մեկի հետ։