Վատ աշխատող պաշտոնյաները կուղարկվեն սահմանապահ ծառայության․ Լուկաշենկո

Բելառուսի նախագահ Ալեքսանդր Լուկաշենկոն կարգադրել է Ուկրաինայի հետ սահմանը պահպանելու ուղարկել այն պաշտոնյաներին, որոնք վատ են կատարում իրենց աշխատանքը, այս մասին հայտնում են տեղական լրատվամիջոցները։

«Սա իմ հրամանն է։ Ցանկացած պաշտոնյա՝ լինի կառավարությունից, մարզային կամ շրջանային գործադիր կոմիտեից, թող գնա գյուղատնտեսական աշխատանքների՝ աշխատի տրակտորի կամ կոմբայնի վրա։ Եթե չես կարող պտուտակներ պտտել, կլինես օգնական և կօգնես մյուսներին։ Ցանկացած անհնազանդության դեպքում՝ բանակ։ Թող այնտեղ ծառայի։ Թող անտառում ծառայություն իրականացնի։ Այնտեղ նույնպես կադրերի կարիք կա։ Թող բերքահավաքի շրջանում այնտեղ ծառայի՝ լինի պաշտոնյա, թե ցանկացած մարդ, ով չի ցանկանում աշխատել»,– հայտարարել է Լուկաշենկոն։