Վահագն Խաչատուրյանն ընդունել է Կանադայի դեսպանին. քննարկվել է երկկողմ համագործակցությունը

ՀՀ նախագահ Վահագն Խաչատուրյանն ընդունել է Հայաստանում Կանադայի արտակարգ և լիազոր դեսպան Էնդրյու Թըրներին, հայտնում են նախագահի աշխատակազմից։

Խաչատուրյանը շնորհավորել է դեսպանին Կանադայի ազգային տոնի առթիվ և բարձր գնահատել երկու երկրների հարաբերությունների դինամիկ զարգացումը՝ այն կապելով Հայաստանի ժողովրդավարական ուղու հետ։

•  Նախագահը շնորհակալություն է հայտնել Կանադային ՀՀ ինքնիշխանությանն ուղղված հետևողական աջակցության, ինչպես նաև ԵՄ քաղաքացիական դիտորդական առաքելությանը մասնակցելու համար։

•  Դեսպան Թըրները վերահաստատել է Կանադայի հանձնառությունը՝ շարունակելու աջակցությունը Հայաստանի խաղաղության օրակարգին և ժողովրդավարական բարեփոխումներին։

Կողմերը կարևորել են քաղաքական երկխոսության, տնտեսական կապերի, բարձր տեխնոլոգիաների, խորհրդարանական գործակցության և մշակութային ոլորտների ընդլայնումը։ Առանձնակի ընդգծվել է կանադական փորձի կիրառումը արդարադատության համակարգի բարեփոխումներում։