Ծեծկռտուք՝ Երևանի դպրոցներից մեկի բակում․ միջադեպ՝ 14 և 15-ամյա աշակերտների միջև

Ըստ Շամշյանի՝ դեպքի վերաբերյալ ոստիկանություն է ահազանգել Երևանի բնակիչ 58-ամյա մի կին՝ խնդրելով ոստիկանների ներկայությունը դպրոց։

Մեկնած ոստիկաններին ահազանգող կինը հայտնել է, որ դպրոցականների միջև տեղի է ունեցել տարաձայնություն։

Ոստիկանության Նոր Նորքի բաժնի ծառայողների ձեռնարկած միջոցառումների արդյունքում պարզվել է, որ դպրոցի դիմացի այգում վիճաբանություն է եղել 15-ամյա Գ․ Մ․-ի և 14-ամյա Ա․ Ք․-ի միջև, որի ընթացքում նրանք միմյանց նկատմամբ փոխադարձ հարվածներ են հասցրել։

Դեպքի առթիվ ոստիկանությունում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին։

Գ․ Շամշյանի տեղեկություններով՝ ոստիկանություն ահազանգած կինը տվյալ դպրոցի աշխատակից է՝ փոխտնօրեն։