Տիգրան Աբրահամյան․ որոշումը ուղղված է Արցախի պետականության վերացմանը

ԱԺ «Պատիվ ունեմ» խմբակցության պատգամավոր Տիգրան Աբրահամյանը ֆեյսբուքյան գրառմամբ արձագանքել է վարչական դատարանի որոշմանը, որով բավարարվել է ՀՀ գլխավոր դատախազության հայցը և անվավեր է ճանաչվել Արցախի ներկայացուցչության շենքի նկատմամբ Արցախի Հանրապետության սեփականության իրավունքի պետական գրանցումը։

Աբրահամյանի գնահատմամբ՝ դատարանի որոշումը կայացվել է քաղաքական ենթատեքստում և կապված է Արցախի պետականության հետ առնչվող գործընթացների հետ։

Նա նաև նշել է, որ իր կարծիքով հասարակության մեծամասնությունը չի ընդունում նման զարգացումները և «մերժում է ադրբեջանական օրակարգը»։