Թուրքիայի արտգործնախարար Հաքան Ֆիդանը, հայտարարել է, որ ԱՄՆ-ը և Իրանը անկեղծ ջանքեր են գործադրում հրադադարի երկարաձգման և Հորմուզի նեղուցի բացման ուղղությամբ

 Թուրքիայի արտգործնախարար Հաքան Ֆիդանը, հայտարարել է, որ ԱՄՆ-ը և Իրանը անկեղծ ջանքեր են գործադրում հրադադարի երկարաձգման և Հորմուզի նեղուցի բացման ուղղությամբ։

Ինչպես տեղեկացնում է Ռիա Նովոստին,  Հաքան Ֆիդանն ասել է, որ  Թուրքիան աջակցություն է ցուցաբերում Թեհրանի և Վաշինգտոնի միջև բանակցություններին։ Այնուամենայնիվ, ըստ նրա, Իսրայելի շարունակվող ներխուժումը Լիբանան, որտեղ իսրայելական բանակը մարտական գործողություններ է վարում Իրանի կողմից աջակցվող «Հեզբոլլահ» ռազմականացված խմբավորման դեմ, լուրջ ռիսկ է ներկայացնում, որը կարող է տապալել այդ բանակցությունները։

 Բլումբերգին տված հարցազրույցում Ֆիդանն ասել է․

«Ես վստահ եմ, որ ամերիկացիներն ու իրանցիները անկեղծ են։ Նրանք ցանկանում են հասնել հրադադարի և Հորմուզի նեղուցի բացմանը։ Բայց ես վստահ չեմ Իսրայելի մտադրություններում»։