Թուրքիայի ԱԳՆ-ն Հայոց ցեղասպանությունը ճանաչելու Իսրայելի որոշումը քաղաքական է անվանել

Թուրքիայի ԱԳՆ-ն քաղաքական է անվանել Հայոց ցեղասպանությունը ճանաչելու Իսրայելի որոշումը։ Նախօրեին Իսրայելի կառավարությունը հաստատել է Հայոց ցեղասպանությունը ճանաչելու բանաձևը։

Թուրքիայի ԱԳՆ տարածած հայտարարության մեջ, մասնավորապես, ասված է․ «Իսրայելի կառավարությունը ձգտում է քողարկել սեփական հանցագործությունները՝ 1915 թվականի իրադարձությունների վերաբերյալ քաղաքական որոշում ընդունելով։ Իսրայելի որոշումն անտեսում է պատմական և իրավական փաստերը»։ Անկարայում նաև նշում են, որ ջանքեր կգործադրեն՝ դադարեցնելու տարածաշրջանի ապակայունացմանն ուղղված Իսրայելի քաղաքականությունը։