Թուրք բարձրաստիճան պաշտոնյաները հանդիպել են Երևանում

Երևանում ընթացող Եվրոպական քաղաքական համայնքի 8-րդ գագաթնաժողովի շրջանակներում կայացել է Թուրքիայի փոխնախագահ Ջևդեթ Յըլմազի և ԵԱՀԿ գլխավոր քարտուղար Ֆերիդուն Սինիրլիօղլուի հանդիպումը։

Հանդիպման ավարտին Թուրքիայի փոխնախագահը բարձր է գնահատել կառույցի նշանակությունը եվրասիական տարածաշրջանի անվտանգային համակարգում։ Յըլմազը հույս է հայտնել, որ ԵԱՀԿ-ն կօգտագործի իր ողջ գործիքակազմն ու փորձը՝ խաղաղության ամրապնդման համար։

«Անկեղծորեն հույս ունեմ, որ առաջիկայում ԵԱՀԿ-ն իր ինստիտուցիոնալ փորձով կշարունակի արդյունավետ ներդրում ունենալ Եվրատլանտյան և Եվրասիական տարածաշրջաններում՝ խաղաղության, հանգստության և կայունության գործում»,- նշել է Ջևդեթ Յըլմազը։

Թուրքիայի բարձրաստիճան պաշտոնյան նաև իր զորակցությունն է հայտնել Ֆերիդուն Սինիրլիօղլուին՝ հաջողություն մաղթելով նրան պատասխանատու առաքելության իրականացման գործում։

Հիշեցնենք, որ Երևանում անցկացվող այս գագաթնաժողովը դարձել է կարևոր հարթակ տարածաշրջանային և միջազգային առաջնորդների համար՝ քննարկելու Հարավային Կովկասի ու Եվրոպայի առջև ծառացած մարտահրավերները։