Ստորագրվել է պատմական Անիի կամրջի վերականգնման վերաբերյալ փոխըմբռնման հուշագիր

«Ստորագրվեց Հայաստանի Հանրապետության և Թուրքիայի Հանրապետության սահմանին տեղակայված պատմական Անիի (Մետաքսի ճանապարհի) կամրջի համատեղ վերականգնման աշխատանքների իրականացման արձանագրությունը»:

Այս մասին տեղեկանում ենք Նիկոլ Փաշինյանի ֆեյսբուքյան էջից:

Փոխըմբռնման հուշագիրը ստորագրվել է Երևանում Եվրոպական քաղաքական համայնքի 8-րդ գագաթնաժողովի շրջանակում:

Թուրքիայի փոխնախագահ Ջևդեթ Յըլմազը նշել է, որ Անիի կամրջի համատեղ վերականգման վերաբերյալ փոխըմբռնման հուշագրի ստորագրումը կնպաստի խաղաղության և անվտանգության ամուր միջավայրի ստեղծմանը։

 Յըլմազը X-ի միկրոբլոգում նշել է նաև, որ Երևանում համապարփակ և արդյունավետ հանդիպում է ունեցել Հայաստանի վարչապետ Նիկոլ Փաշինյանի հետ։ Ըստ Յըլմազի  հանդիպման ընթացքում քննարկվել են երկկողմ հարաբերություններին վերաբերող հարցեր։