Ստեփանավանում կասեցվել է հանրային սննդի օբյեկտի արտադրական գործունեությունը
Ստեփանավանում գործող հանրային սննդի օբյեկտում հայտնաբերվել են սանիտարահիգիենիկ լուրջ խախտումներ, ինչի հետևանքով դրա գործունեությունը ժամանակավորապես կասեցվել է։
ՀՀ սննդամթերքի անվտանգության տեսչական մարմնի Լոռու մարզային կենտրոնի տեսուչների կողմից անհատ ձեռնարկատեր Արսեն Հովսեփյանին պատկանող (Լոռու մարզ, ք․ Ստեփանավան, Սուրբ Նշանի 5/1) հանրային սննդի օբյեկտում իրականացված ստուգման ընթացքում արձանագրվել են սննդամթերքի արտադրության հետ անհամատեղելի սանիտարահիգիենիկ խախտումներ, այս մասին տեղեկացնում է ՀՀ սննդամթերքի անվտանգության տեսչական մարմինը։
Մասնավորապես՝ խոհանոցի պատերը չեն համապատասխանել սահմանված նորմերին՝ չունենալով հարթ, լվացվող և ախտահանվող մակերես, առաստաղը չի ապահովել կեղտի և խոնավության կուտակման կանխարգելում, բացակայել է արհեստական օդափոխության համակարգը, իսկ սանհանգույցի դուռը բացվել է անմիջապես դեպի սննդի մշակման սենյակ։
Տեսչական մարմնի որոշմամբ՝ օբյեկտի արտադրական գործունեությունը կասեցվել է։ Տնտեսավարողին հանձնարարական է տրվել վերացնել արձանագրված խախտումները և համապատասխանեցնել գործունեությունը սահմանված սանիտարահիգիենիկ նորմերին՝ նշված ժամկետում։
Կարդացեք նաև
Հասարակություն8 նոյեմբերի 2026
Ինչպես է «խորամանկում» Shirak Avia-ն․ Կարեն Հեքիմյան
Հասարակական գործիչ Կարեն Հեքիմյանը մեղադրանքներ է հնչեցրել «Shirak Avia»-ի հասցեին՝ պնդելով, որ ավիաընկերությունը ուղևորին մոլորեցրել է Երևան-Մոսկվա չվերթի չեղարկման վերաբերյալ։
Հասարակություն8 նոյեմբերի 2026
Երևանի քաղաքապետի խոսնակը հայտնել է իր անվերապահ աջակցությունը դպրոցի տնօրենին
Երևանի քաղաքապետարանի մամուլի խոսնակ Ջուլիետա Ազարյանը պաշտպանել է երաժշտական դպրոցի տնօրեն Իրինա Մկրտչյանին՝ կոչ անելով առաջնորդվել փաստերով, հարգել անձնական կյանքի անձեռնմխելիությունն ու անմեղության կանխավարկածը։
Հասարակություն4 նոյեմբերի 2026
Ողբերգական ավտովթար Արագածոտնի մարզում․ կա 9 զոհ և 3 վիրավոր
Արագածոտնի մարզում տեղի ունեցած ողբերգական շղթայական ավտովթարի հետևանքով 9 մարդ զոհվել է, ևս 3-ը՝ ստացել տարբեր աստիճանի մարմնական վնասվածքներ։