Շնորհիվ այլընտրանքային ուղիների՝ Հայաստանը խուսափում է դեֆիցիտից

« Հայաստանում ապրանքների պակաս չկա և չի սպասվում՝ շնորհիվ այլընտրանքային առևտրային ուղիների»։ Այս մասին հայտարարել է վարչապետ Նիկոլ Փաշինյանը կառավարության նիստից հետո կայացած ճեպազրույցի ժամանակ՝մեկնաբանելով Իրանի շուրջ ստեղծված իրավիճակը:

«Գնաճը այլ հարց է. մեր ազդեցության հնարավորությունը սահմանափակ է, եթե ապրանքները թանկանում են իրենց ծագման երկրներում:Դժվար է խուսափել գնաճից, երբ ապրանքների արտադրության և մատակարարման արժեքը բարձրանում է, բայց պակասորդ չպետք է լինի», - հայտարարել է վարչապետը։

Փաշինյանը նշել է, որ Հայաստանը մշակել է Չինաստանից նոր երթուղի՝ երկաթուղային կապ Կենտրոնական Ասիայի, Ռուսաստանի, Ադրբեջանի և Վրաստանի միջով։« Այս երթուղին, ներկայիս համատեքստում, դարձել է կարևոր այլընտրանք Իրանով անցնող երթուղիներին, բայց Հայաստանը, անկախ ամեն ինչից, հատուկ նշանակություն է տալիս Իրանի հետ հաղորդակցությանը՝ այն համարելով ռազմավարական», հայտարարել է վարչապետը։ Մասնավորապես, Իրանում իրավիճակի կարգավորումից հետո Հայաստանը պատրաստ է սկսել TRIPP նախագծի իրականացումը, հավելել է Փաշինյանը՝ գոհունակություն հայտնելով, որ Հայաստանին բարեկամ երկու երկրները դրական թափ են ցուցաբերում բանակցություններում։

Նրա խոսքով՝ Իրանի և Հայաստանի, իսկ ավելի լայն առումով՝ Պարսից ծոցի և Սև ծովի միջև երկաթուղային կապը օգտակար կլինի տարածաշրջանի բոլոր երկրների համար։