Սամվել Կարապետյանն անթույլատրելի է համարել Հայաստանի վրա ցանկացած արտաքին ճնշում

Օտարերկրյա պետությունների կողմից Հայաստանի ներքին ընտրությանը վերաբերող ցանկացած պաշտոնական հայտարարություն պետք է դիտարկվի որպես քաղաքական ճնշման ձև, ինչն անընդունելի է ինքնիշխան երկրի համար։ Այս մասին այսօր՝ մայիսի 12-ին Հակակոռուպցիոն դատարանի շենքի մոտ ԶԼՄ-ների հետ զրույցում հայտարարել է «Ուժեղ Հայաստան» կուսակցության առաջնորդ Սամվել Կարապետյանը։

Մեկնաբանելով լրագրողների խնդրանքով ՌԴ նախագահ Վլադիմիր Պուտինի վերջերս արած հայտարարությունները՝ ԵԱՏՄ-ի և Եվրոպական միության միջև ընտրություն կատարելու անհրաժեշտության վերաբերյալ, քաղաքական գործիչն ընդգծել է, որ Հայաստանի շահերը չպետք է պատանդ դառնան արտաքին աշխարհաքաղաքական խաղերում։

Կարապետյանը հեգնանքով է արձագանքել այն լուրերին, թե ինքն իբր համակարգում է իր գործողությունները Կրեմլի հետ կամ Մոսկվային «դրդում» է Երևանի հասցեին կոշտ գնահատականներ հնչեցնել։ «Այո՛, բանտախցից ես զանգեցի Պուտինին ու ասացի՝ անպայման մի հատ Հայաստանի վրա տես, թե ինչ ես անում»,- սարկազմով նշել է նա՝ պատասխանելով ռուսական առաջնորդի հռետորաբանության վրա իր ունեցած ազդեցության մասին հարցին։