Սամվել Կարապետյանի գնահատմամբ Նիկոլ Փաշինյանը խախտում է կանոնները և ձևավորում է Հայաստանում ոչ լեգիտիմ իշխանություն

«Մենք կշարժվենք այդ պլան բ-ով, կհամախմբենք ընդդիմությանը, միգուցե ճիշտ կգնահատենք այն պահը, երբ պետք է գեներացնենք փողոց և հասնենք հաջողության»: Այս մասին  հարցազրույցի ժամանակ հայտարարել է  «Ուժեղ Հայաստան» կուսակցության առաջնորդ Սամվել Կարապետյանը:

Սամվել Կարապետյանի գնահատմամբ Նիկոլ Փաշինյանը խախտում է կանոնները և ձևավորում է Հայաստանում ոչ լեգիտիմ իշխանություն։

«Մենք դրա դեմ պայքարելու ենք: Ես իրոք, անկեղծ վստահ եմ եղել մեր բացարձակ հաղթանակի մեջ, մենք դրա համար արել ենք ամեն ինչ, մենք մեր հարցումներով տեսել ենք դա, մենք տեսել ենք այդ հաղթանակը՝ վատագույն դեպքում 2 ուժի հաղթանակը, բայց հաղթանակը գողացան խախտումներով»:

«Ուժեղ Հայաստան» կուսակցության առաջնորդ Սամվել Կարապետյանը հայտարարել է նաև, որ խախտումներ եղել են թե նախընտրական փուլում և թե դրանից հետո՝ հաշվարկների ժամանակ։