Սամվել Կարապետյանը պետք է ամբողջությամբ մասնակցի քաղաքական գործընթացներին. Վարդևանյան

Սամվել Կարապետյանը պետք է ամբողջությամբ մասնակցի քաղաքական գործընթացներին, ըստ այդմ, պաշտպանները միջնորդություն են ներկայացրել դատարան, որ առաջնահերթության կարգով քննության առարկա դարձվի խափանման միջոցի հարցը։ Այս մասին լրագրողների հետ զրույցում ասել է պաշտպան Արամ Վարդևանյանը:

Նրա խոսքով՝ յուրաքանչյուր ժամ այլևս էական նշանակություն ունի՝ առաջիկա ընտրությունների տեսանկյունից։

«2026թ․ ապրիլի 21-ին «Ուժեղ Հայաստան» կուսակցությունը հրավիրել է համագումար, առանցքային է, որ մինչ այդ համագումարը Սամվել Կարապետյանը հնարավորություն ունենա՝ ամբողջությամբ մասնակցելու քաղաքական գործընթացներին, որովհետև կուսակցության նախագահի մասնակցությունն առանցքային է»,- նշեց փաստաբանը և հիշեցրեց, որ ՔՊ նախագահն ինչ աստիճան ներգրավված էր գործընթացին, մրցակցության, ընտրական գործընթացների երաշխիքների տեսանկյունից անհրաժեշտ է, պետք է ապահովել Կարապետյանի մասնակցությունը, ցավ է, որ այդ բեռն ընկել է դատարանների ուսերին, բայց սա է քաղաքական հետապնդումների տրամաբանությունը։