Սամվել Կարապետյանը կհրաժարվի Ռուսաստանի և Կիպրոսի քաղաքացիությունից

«Ուժեղ Հայաստան» կուսակցության առաջնորդ Սամվել Կարապետյանը սկսել է Ռուսաստանի և Կիպրոսի քաղաքացիությունից հրաժարվելու գործընթաց։

Կարապետյանն այս մասին հայտարարել է այսօրվա դատական նիստում։

«Ես ՀՀ քաղաքացի եմ, ունեմ նաև Ռուսաստանի ու Կիպրոսի անձնագրեր։ Քանի որ վստահ ենք հաղթանակի մեջ, Ռուսաստանի և Կիպրոսի քաղաքացիությունից հրաժարվելու գործընթաց ենք սկսկել»,- նշել է նա։

Նա նշել է, որ հանդիսանում է «Տաշիր գրուպ»-ի նախագահ և «Ուժեղ Հայաստան» կուսակցության ղեկավար։Մեղադրական եզրակացությունը նա անվանել է «թղթերի կույտ»։

«Դատական նիստի ժամանակ Սամվել Կարապետյանը նաև հայտարարել է. «Տնտեսագետ եմ, դոկտորի կոչում ունեմ, բացի Հայաստանի քաղաքացիությունից, ունեմ ՌԴ և Կիպրոսի քաղաքացիություն, նախկինում դատված չեմ եղել, աշխատում եմ «Ուժեղ Հայաստան» կուսակցության նախագահ, նաև «Տաշիր գրուպ»-ի նախագահն եմ»: Սամվել Կարապետյանը տեղեկացրել է, որ սկսել է ՌԴ-ի և Կիպրոսի քաղաքացիությունից հրաժարվելու գործընթաց՝ «Քանի որ վստահ ենք հաղթանակի մեջ»: Կարապետյանը թղթերի կույտ է անվանել մեղադրական եզրակացությունը»։