Սահմանափակումներ Հայաստանի ձկնամթերքի արտահանման համար․ Ռոսսելխոզնադզոր

Ռոսսելխոզնադզորը 2026 թվականի մայիսի 21-ից 27-ը իրականացրել է Հայաստանի ձկնամշակման ձեռնարկությունների ստուգում, ինչպես նաև այցելել է իշխանի բուծման և պահման ֆերմաներ։ Ըստ հաղորդման՝ ձեռնարկությունների 50%-ը հրաժարվել է ստուգումից, այս մասին հայտնում է Ռոսսելխոզնադզորը։

Ստուգման արդյունքներով՝ 2026 թվականի հունիսի 2-ից հայկական կողմին անհրաժեշտ է դադարեցնել անասնաբուժական սերտիֆիկացումը դեպի ռուսաստանյան ստացողներ ուղղվող կենդանի ձկան և ձկնամթերքի համար՝ բոլոր հայկական ընկերությունների կողմից, բացառությամբ ստուգումն անցած երկու ձեռնարկությունների, մինչև իրավիճակի կարգավորումը։

Թույլատրված երկու գործարանների արտադրանքը կթույլատրվի ներմուծել Ռուսաստան՝ անվտանգության ցուցանիշների լաբորատոր մոնիթորինգի պայմանով։