Ռուսաստանում Հայաստանյան ապրանքների սահմանափակումները բացասաբար չեն անդրադառնա Ռուսաստանի տնտեսության վրա

Ռուսաստանում Հայաստանյան ապրանքների սահմանափակումները բացասաբար չեն անդրադառնա Ռուսաստանի տնտեսության վրա: Այս կարծիքն է հայտնել հայտնել ՌԴ տնտեսական զարգացման նախարար Մաքսիմ Ռեշետնիկովը:

 ՏԱՍՍ-ի փոխանցմամբ՝  նախարարն ասել է.

«Երեկ ինձ հարցնում էին, թե ինչ կլինի գնաճի հետ և այլն։ Մենք վիճակագրորեն չենք նկատի այդ բոլոր թվերը։  Մեր շուկաների մասով կարող եմ ասել, ու, իհարկե, ազդեցություն չի լինի։ 

Հիմնական ծավալը մենք միշտ ապահովում ենք սեփական արտադրության հաշվին՝ այնտեղ, որտեղ անհրաժեշտ է։ Այս ուղղություններով մենք, այնուամենայնիվ, մեր շուկաներում մատակարարների բավականին դիվերսիֆիկացված կառուցվածք ունենք։ Թեև, իհարկե, մենք գնահատում ենք բոլորին, բայց դա ոչ մի խնդիր չի ստեղծի մեր տնտեսության համար»:

Այսպես է նա պատասխանել այն հարցին, թե ինչպես կազդի ՌԴ տնտեսության վրա Հայաստանից գյուղմթերքի և մի շարք այլ ապրանքների մատակարարումների սահմանափակումների կիրառումը: