Ռուսաստանի դեմ պատժամիջոցների 21-րդ փաթեթը կլինի բավականին կոշտ

Եվրոպական Միության հակառուսական պատժամիջոցների 21-րդ փաթեթը նպատակաուղղված կլինի էներգետիկ ոլորտի վրա ճնշումը մեծացնելուն: Այս մասին հայտարարել է Էստոնիայի արտաքին գործերի նախարար Մարգուս Ցախնան՝ իր սոցիալական էջերում:

«21-րդ փաթեթը պատրաստվում է, և այն բավականին կոշտ կլինի, հատկապես էներգետիկայի առումով», -ասել է նախարարը:

 Հիշեցնենք, որ ապրիլի 22-ին ԵՄ դեսպանները հաստատել են Ուկրաինայի համար 90 միլիարդ եվրոյի ֆինանսավորումը և Ռուսաստանի դեմ պատժամիջոցների 20-րդ փաթեթը, այն բանից հետո, երբ Հունգարիան և Սլովակիան չեղյալ հայտարարեցին իրենց վետոն։ Ապրիլի 24-ին ԵՄ արտաքին գործերի նախարար Կայա Կալլասը հայտարարեց, որ ԵՄ առաջնորդները սկսել են պատրաստել սահմանափակումների 21-րդ փաթեթը։