Ռուսաստանի դեմ կիրառվում են նոր պատժամիջոցներ

Մայիսի 11-ին Մեծ Բրիտանիան հայտարարել է Ռուսաստանի դեմ նոր պատժամիջոցների փաթեթի սահմանման մասին: Ինչպես նշում են բրիտանական լրատվամիջոցները, սա Ուկրաինայում պատերազմի սկսվելուց ի վեր ամենախիստ սահմանափակումներից մեկն  է։

Լոնդոնը հայտարարել է, որ պատժամիջոցները պատասխան են Մոսկվայի «թշնամական գործողություններին», այդ թվում՝ Հայաստանում միջամտությունների փորձերի։

Պատժամիջոցներ են սահմանվել «Սոցիալական նախագծման գործակալության» SDA-ի նկատմամբ: Նշվում է, որ այն  ծրագրել է արշավներ, որոնք գրեթե անկասկած հանձնարարվել են նախագահի վարչակազմի կողմից։ Սա ներառում է Հայաստանում ռուսամետ կազմակերպություններ ստեղծելու և իշխանափոխության վրա ազդելու փորձեր՝ հօգուտ ռուսամետ գործիչների։