Ռուսաստանի 509 քաղաքացի Իրանից տարհանվել է Հայաստանով

Հայաստանում Ռուսաստանի դեսպանությունը հայտնում է․ «Ապրիլի 6-ին Իրանից Հայաստան «Նուրդուզ»/«Ագարակ» սահմանային անցակետով ժամանած ևս 175 Ռուսաստանի քաղաքացի, որոնք ընդգրկված էին «Բուշեր» ԱԷԿ-ի տարհանված աշխատակիցների հերթական խմբում, հատուկ չվերթով Երևանից մեկնել են Մոսկվա»։

Գերատեսչության փոխանցմամբ՝ ռուս դիվանագետների և հայկական կողմի ներկայացուցիչների համակարգված գործողությունների շնորհիվ, ԱՄՆ-Իսրայելական ագրեսիայի սկզբից ի վեր, Հայաստանի տարածքով ընդհանուր առմամբ հայրենիք է վերադարձել 509 Ռուսաստանի քաղաքացի։

«Խորը երախտագիտություն ենք հայտնում Հայաստանի Հանրապետության իշխանություններին՝ «Ռոսատոմ» ՊԿ-ի աշխատակիցների մուտքը բարեհաճ վերաբերմունքով և արագ կազմակերպելու համար»,- ասված է հաղորդագրությունում։