Ռուսաստանը և Ուկրաինան իրականացրել են գերիների փոխանակում «160-ը 160-ի դիմաց» բանաձևով

 Ռուսաստանը ուկրաինական գերությունից վերադարձրել է 160 ռուս զինծառայող, փոխարենը Ուկրաինային է հանձնվել Ուկրաինայի զինված ուժերի 160 զինծառայող։

Ինչպես հայտնում է ՏԱՍՍ-ը՝հունիսի 26-ին կիևյան ռեժիմի վերահսկողության տակ գտնվող տարածքից վերադարձվել է 160 ռուս զինծառայող։

 Փոխարենը հանձնվել է Ուկրաինայի ԶՈւ 160 ռազմագերի։ Վերադարձված ռուս զինծառայողները այժմ գտնվում են Բելառուսի Հանրապետության տարածքում, նրանց հետ աշխատում է Ռուսաստանում մարդու իրավունքների լիազոր ներկայացուցիչ Յանա Լանտրատովան։

ԱՄԷ-ն հումանիտար բնույթի միջնորդական ջանքեր է գործադրել ուկրաինական գերությունից ռուս զինծառայողների վերադարձի հարցում։