Ռուսաստանը չպետք է ճանաչի արդյունքները, եթե Փաշինյանը հաղթի ընտրություններում

Ռուսաստանը չպետք է ճանաչի արդյունքները, եթե Փաշինյանը հաղթի ընտրություններում: Այս մասին հայտարարել  Պետդումայի ԱՊՀ հարցերով հանձնաժողովի փոխնախագահ Կոնստանտին Զատուլինը։ Տեղեկությունը տարածում է «Նորությունների ազգային ծառայություն»-ը:

«Հայաստանի վարչապետ Նիկոլ Փաշինյանը երբեք չի թաքցրել իր հակառուսական հայացքները, և հանրապետության՝ Ռուսաստանի հետ հարաբերությունների լիակատար խզման միտումը կշարունակվի նրա վերընտրվելու դեպքում: Նման դեպքում Ռուսաստանը պաշտոնապես պարզապես չպետք է ընդունի ընտրությունների արդյունքները: Նա ՌԴ-ի անվերապահ թշնամին է, ով մինչև որոշակի ժամանակ, հայտնվելով իշխանության ղեկին, ստիպված էր քողարկել իր մտադրությունները, իր նպատակները։ Մենք թույլ տվեցինք մեզ հույսեր փայփայել, թե կհարմարվի՝ կսիրի, ոչ մի տեղ չի գնա։ Իսկ նա մեզ օգտագործեց։ Չէ՞ որ նա բոլորովին չէր թաքցնում իր տեսակետները նախքան վարչապետ դառնալը»,- ասել է Զատուլինը: