Ռուսական կողմը կրկին հիշեցրել է, որ  նույն գազի գինը Եվրոպայում մի քանի անգամ ավելի բարձր է

ՌԴ էներգետիկայի նախարար Սերգեյ Ցիվիլյովը նամակ էր ուղարկել   հանրապետության Տարածքային կառավարման և ենթակառուցվածքների նախարարությանը, որով զգուշացվում էր գազի, նավթամթերքի և ալմաստի մատակարարման համաձայնագրերի հնարավոր չեղարկման մասին՝ ԵՄ-ին՝  Հայաստանի անդամակցության գործընթացի շարունակման դեպքում։ Սակայն ռուսական կողմի պնդմամբ հայկական կողմից պատասխան դեռևս չի ստացվել: ՏԱՍՍ-ի հաղորդմամբ՝ ռուս պաշտոնյան ասել է.

«Դեռևս պատասխան չկա։ Բայց, կարծում եմ, նամակում դիրքորոշումը շատ հստակ է շարադրված։ Մենք բոլորս գտնվում ենք Եվրասիական տնտեսական համագործակցության շրջանակներում։ Շատ տարիներ այս հարաբերությունները կառուցվել են բոլոր պետությունների հետ։ Ոչ մեկի համար գաղտնիք չէ, որ նրանց նավթն ու գազը մատակարարվում են բավականին շահավետ գներով», - ասել է նա՝ պատասխանելով համապատասխան հարցին։