Ռուս պաշտոնյայի գնահատմամբ Ադրբեջանում ձերբակալված 11 ռուսների ազատ արձակումը կամրապնդի հարաբերությունները երկրների միջև

2025 թվականի ամռանը Ադրբեջանում կալանավորված Ռուսաստանի 11 քաղաքացիների ազատ արձակումը կարևոր քայլ կլինի երկու երկրների միջև բարիդրացիական հարաբերությունների հետագա ամրապնդման ճանապարհին։ Այս մասին ՏԱՍՍ-ին տված հարցազրույցում հայտարարել է ՌԴ ԱԳՆ ԱՊՀ երկրների չորրորդ վարչության տնօրեն Միխայիլ Կալուգինը։

«Անվերապահ առաջնահերթություն է մնում 2025 թվականի հունիսի 30-ից հուլիսի 1-ը Ադրբեջանում կալանավորված Ռուսաստանի 11 քաղաքացիների ազատ արձակումը։ Բաքվում Ռուսաստանի դեսպանությունը սերտ կապի մեջ է ինչպես նրանց, այնպես էլ նրանց հարազատների հետ։ Այս հարցը պարբերաբար բարձրացնում ենք ադրբեջանցի գործընկերների հետ երկկողմ շփումների ընթացքում։ Այս խնդրի հնարավորինս արագ լուծումը կարևոր քայլ կլինի մեր երկրների միջև բարիդրացիական հարաբերությունների հետագա ամրապնդման ճանապարհին»,-ասել է նա: