ՌԴ նախագահի մամուլի քարտուղարը հիմարություն է անվանել Եվրասիական տնտեսական միության գագաթնաժողովում Հայաստանի դրոշն իջեցնելու առաջարկը

ՌԴ նախագահի մամուլի քարտուղար Դմիտրի Պեսկովը հիմարություն է անվանել Եվրասիական տնտեսական միության (ԵԱՏՄ) գագաթնաժողովում Հայաստանի դրոշն իջեցնելու և ժամանակ չվատնելու առաջարկը: Այս մասաին հայտնում է ՌԻԱ Նովոստին:

«Դա ամենահիմար հայտարարությունն է, որ ես լսել եմ լրագրողներից», - ասել է Պեսկովը՝ պատասխանելով այն հարցին, թե արդյոք ժամանակը չէ՞ իջեցնել Հայաստանի դրոշը ԵԱՏՄ գագաթնաժողովում և այլևս ժամանակ չվատնել։

Հիշեցնենք, որ Բարձրագույն Եվրասիական տնտեսական խորհրդի նիստը և 5-րդ Եվրասիական տնտեսական ֆորումը տեղի կունենան Ղազախստանում՝ մայիսի 28-29-ը։

 Ավելի վաղ ՀՀ վարչապետ Նիկոլ Փաշինյանը հայտարարել էր, որ չի մասնակցի Աստանայում կայանալիք ԵԱՏՄ գագաթնաժողովին՝ երկրի նախընտրական քարոզարշավի պատճառով: Երկիրը կներկայացնի փոխվարչապետ Մհեր Գրիգորյանը։