ՌԴ-ն ժամանակավոր սահմանափակումներ կսահմանի թուրքական կորիզավոր մրգերի ներմուծման վրա

«Ռոսսելխոզնադզոր»-ը արգելել է թուրքական հինգ ձեռնարկությունների արտադրանքը, որոնք մատակարարում են ծիրան, կեռաս, բալ, դեղձ և նեկտարին։ Գերատեսչությունը պարզաբանել է, որ այս քայլին դիմել է Եվրասիական տնտեսական միության անդամ պետությունների համար կարանտինային օբյեկտների համակարգված հայտնաբերման պատճառով, սակայն չի հստակեցրել, թե ինչ օրգանիզմներ են հայտնաբերվել այդ մրգերում։  

Որոշման մասին հայտնի է դարձել Կիևում Թուրքիայի արտգործնախարար Հաքան Ֆիդանի և Ուկրաինայի արտգործնախարար Անդրեյ Սիբիհայի բանակցություններից հետո։ Հանդիպումից հետո Ֆիդանը հայտնել է, որ Անկարան պատրաստակամ է միանալու Կիևի անվտանգության երաշխիքներին և ՆԱՏՕ-ի դաշնակիցների հետ միասին ստանձնելու այդ երաշխիքների ծովային բաղադրիչի առաջնորդությունը։