ՌԴ-ն բողոքի նոտա է հղել Հայաստանին՝ Գյումրիի հուշահամալիրի միջադեպի պատճառով․ Զախարովա

Ռուսաստանը բողոքի նոտա է հղել Հայաստանին՝ Գյումրիում գտնվող Հայրենական մեծ պատերազմի հերոսների հուշահամալիրի պղծման հետ կապված։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Այս հայհոյական ակցիան պարզապես խուլիգանություն չէ, այլ մեր երկրների համար ընդհանուր պատմական հիշողության դեմ նպատակաուղղված հարձակում և Մեծ հաղթանակի նկատմամբ անարգանքի դրսևորում։ Իհարկե, մենք բողոքի նոտա ենք հղել հայկական կողմին», - ասել է դիվանագետը։