Օվերչուկը սպառնում է ՀՀ-ին օդային կապի խզմամբ

Ռուսաստանի փոխվարչապետ Ալեքսեյ Օվերչուկը հայտարարել է՝ Հայաստանի՝ ԵՄ միանալու դեպքում կարող է դադարել ավիահաղորդակցությունը Ռուսաստանի հետ։ Պաշտոնյան այս մասին ասել է ռուսական «Առաջին ալիք»-ի եթերում։

«Այժմ Եվրամիության երկրների հետ ավիացիոն հաղորդակցություն չկա, նշանակում է, որ մենք Հայաստանի հետ ավիացիոն հաղորդակցություն չենք ունենա», - շեշտել է նա:

Ռուս պաշտոնյան նշել է՝ ՀՀ քաղաքացիները պետք է գիտակցեն հնարավոր հետևանքները, որոնք կարող են առաջանալ քաղաքական նման ընտրության արդյունքում։ Օվերչուկի խոսքով՝ այս հարցում կարևոր է հանրության իրազեկվածությունը։

Միաժամանակ նա հավելել է, որ դեռևս հստակ չէ, թե Հայաստանի համար ինչ արդյունքներ կարող է ունենալ Եվրամիությանը միանալը։