Պուտինը շնորհավորել է Թրամփին ծննդյան տարեդարձի առթիվ

ՌԴ նախագահ Վլադիմիր Պուտինը հեռախոսազրույց է ունեցել ԱՄՆ նախագահ Դոնալդ Թրամփի հետ՝ շնորհավորելով նրան 80-ամյակի առթիվ, հայտնել է նախագահի օգնական Յուրի Ուշակովը, գրում է Ինտերֆաքսը:

Նրա խոսքով՝ զրույցը տևել է շուրջ 55 րոպե և ընթացել է բարեկամական ու ոչ պաշտոնական մթնոլորտում։ Պուտինը Թրամփին առաջին օտարերկրյա առաջնորդներից է շնորհավորել տարեդարձի կապակցությամբ, ինչից վերջինս, ըստ հաղորդման, հուզվել է։

Կողմերը քննարկել են նաև միջազգային իրավիճակը, ռուս-ամերիկյան հարաբերությունները և հնարավոր հետագա շփումները։ Առանձին անդրադարձ է եղել Իրանի շուրջ իրավիճակին և տարածաշրջանային լարվածության նվազեցման հեռանկարին։