POLITICO. Ուրսուլա ֆոն դեր Լայենը հուլիսի 1-ին կժամանի Հայաստան

Եվրահանձնաժողովի նախագահ Ուրսուլա ֆոն դեր Լայենը և Ընդլայնման հարցերով հանձնակատար Մարտա Կոսը հաջորդ շաբաթ կայցելեն Երևան։ Այս մասին գրում է Politico–ն։ Այցի նպատակն է աջակցել վարչապետ Նիկոլ Փաշինյանին՝ խորհրդարանական ընտրություններում նրա կուսակցության հաղթանակից և դեպի Արևմուտք որդեգրած կուրսից հետո։

«Այս այցը հզոր ազդակ կլինի Ռուսաստանի ճնշումների ֆոնին՝ փոխանցելով, որ «Եվրոպան ձեզ հետ է»»,- նշել է ԵՄ անանուն պաշտոնյան։

Այցի պատճառով չեղարկվել է Եվրահանձնաժողովի հուլիսի 1-ի նիստը, ինչի հետևանքով հետաձգվել են ԵՄ մի շարք ներքին օրենսդրական նախագծեր։

Սա ֆոն դեր Լայենի երկրորդ այցն է Երևան վերջին երկու ամսում։ Լրատվամիջոցը հավելում է, որ Լեռնային Ղարաբաղի անկումից և ռուսական կողմի անգործությունից հետո Հայաստանն արագացրել է մերձեցումը Արևմուտքի հետ՝ սառեցնելով անդամակցությունը ՀԱՊԿ-ին։