Պետք է պատմեմ՝ ինչ էր ասում Փաշինյանը Իրանի նախագահի հետ հանդիպումից հետո. Աղազարյան

Նիկոլ Փաշինյանին թվում է, թե ինքը լավ արտաքին քաղաքականություն է վարում։ Իրեն թվում է, թե ինքը կարող է Թրամփի մոտ մանևրել, Մակրոնի մոտ մանևրել, Եվրոպայում մանևրել, հետո Պուտինի մոտ մանևրել, լրագրողների հետ զրույցում ասել է ԱԺ պատգամավոր Հովիկ Աղազարյանը։

«Ներողություն եմ խնդրում իմ նախկին գործընկերներից, բայց մի էպիզոդ պիտի պատմեմ։ Մի օր Նիկոլ Փաշինյանը եկավ խմբակցության հետ հանդիպման, ասաց որ ինքը խոսել է Իրանի նախագահի հետ էն թեմայի շուրջ, թե որ մենք ԵՄ մտնելու հայտ ներկայացնենք, հո դուք խնդիրներ չունե՞ք։ Իրանի նախագահը ասել է թե՝ չէ,  մենք խնդիր չունենք։ Այսինքն, դա նշանակում է, որ պարոն վարչապետը կա՛մ մեզ էր հիմարի տեղ դնում, որ մենք չենք հասկանում, թե ինչ է նշանակում պարսիկ ժողովուրդ, 6 հազար տարվա պետականություն ունեցող ժողովուրդ, կա՛մ ինքը լավ չի հասկանում։ Ես հասկանում եմ, որ ինքը հասկանում էր և մանևրում էր, մեզ ուզում էր ֆռռացնել»,-պատմել է Աղազարյանը։