Պաշտոնապես սկսվեց «Արծիվ գործընկեր 2026» զորավարժությունը

Պաշտոնապես մեկնարկել է «Արծիվ գործընկեր 2026» զորավարժությունը, որը կանցկացվի հունիսի 17–25-ը՝ Հայաստանում, այս մասին հայտնում է Հայաստանում ԱՄՆ դեսպանությունը։

Սա չորրորդ ամենամյա զորավարժությունն է, որը հիմնված է հայ-ամերիկյան պաշտպանական համագործակցության վրա և ուղղված է միջազգային խաղաղապահ առաքելություններին նախապատրաստման կարողությունների զարգացմանը։

Այս տարի զորավարժությանը, ՀՀ ԶՈւ խաղաղապահ բրիգադի, Եվրոպայում և Աֆրիկայում ԱՄՆ ցամաքային զորքերի և Կանզասի ազգային գվարդիայի զինծառայողներից բացի, մասնակցում են նաև Ֆրանսիայի և Հունաստանի զինված ուժերի ներկայացուցիչներ։

«Արծիվ գործընկեր 2026»-ը նպատակ ունի բարձրացնել բազմազգ ուժերի փոխգործակցելիությունը, նպաստել փորձի փոխանակմանը և ամրապնդել խաղաղապահ ստորաբաժանումների պատրաստվածությունը։