Փաշինյանն իրեն ասոցացնում է Եվրամիության և բրյուսելյան բյուրոկրատիայի հետ.Մարիա Զախարովա

 ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, թե Հայաստանի վարչապետ Նիկոլ Փաշինյանը, երևի թե, կիսում է քաղաքացիների կյանքը վատթարացնելու վերաբերյալ Բրյուսելի դրույթները: Զախարովան ասել է, որ Փաշինյանն իրեն ասոցացնում է Եվրամիության և բրյուսելյան բյուրոկրատիայի հետ:

«ՌԻԱ Նովոստի»-ի հաղորդմամբ Զախարովան հայտարարել է, որ  բրյուսելյան բյուրոկրատիայի հիմնական, գործնական խնդիրն այն է, որ իրենց երկրների քաղաքացիներն ապրեն ավելի վատ, այլ ոչ թե ավելի լավ:

Զաժարովան հիշեցրել է, որ  ի տարբերություն ԵՄ-ի, ԵԱՏՄ-ում համագործակցությունը քաղաքականացված չէ, այն կառուցվում է հարգանքի և իրավահավասարության հիման վրա՝ ազատ շուկայի, ազնիվ մրցակցության և օրինականության սկզբունքներով: