Փաշինյանի ձեռքի գործն է. Կարապետյանը` ԱԴԾ աշխատակից լինելու վերաբերյալ հրապարակման մասին

«Ուժեղ Հայաստան» կուսակցության վարչապետի թեկնածու Սամվել Կարապետյանն անլուրջ է համարում իր` ԱԴԾ աշխատակից լինելու մասին հրապարակումը։ Այս մասին Կարապետյանն ասաց իր գործով դատական նիստից առաջ լրագրողների հետ զրույցում։

 

Նշենք՝ The Insider պարբերականը մայիսի 19-ին հրապարակում է կատարել, որ Սամվել Կարապետյանը ՌԴ արտասահմանյան անձնագիրը ստացել է 1999 թվականին։ Պարբերականը գրել է, որ ըստ արտահոսած տվյալների, իր անձնագրային ֆայլում որպես աշխատանքի վայր է նշված «ԱԴԾ տեղեկատվական կենտրոն» (ИЦ ФСБ)։

Ընդգծեց, որ ՌԴ քաղաքացիություն ինքը ստացել է 1993-1994 թթ.։