Փաշինյանը ընտրվեց, կսկսի թվել «Բասարգեչար», «Գյոյչա» անունները. Սամվել Կարապետյան

Եթե Նիկոլ Փաշինյանը վերընտրվեց, կսկսի թվել «Բասարգեչար», «Գյոյչա» անունները, հետո կանցնի «Էրիվան»-ին, դրա համար ենք ահազանգում, որ այս գործընթացը պետք է կանգնեցնել: Այս մասին ասել է «Ուժեղ Հայաստան» դաշինքի վարչապետի թեկնածու Սամվել Կարապետյանը՝ սոցցանցի իրենց էջում հրապարակված տեսանյութում:

Ըստ նրա՝ Փաշինյանը վախի մթնորտի տակ ամեն ինչ հանձնելու է:

«Իրենք միակողմանի զիջելու են ամեն ինչ, ամենաճշգրիտ թիվը չէ, որ ՀՀ են գալու 300 000 ադրբեջանցիներ, միգուցե, գան 500 000-ը: Հենց սկսեցին գալ, ո՞վ է կանգնեցնելու նրանց: Ես համարում եմ, որ կարող է 1 միլիոն ադրբեջանցի գալ: Նրանք ցանկանում են փափուկ ձևով տիրանալ՝ Նիկոլ Փաշինյանի օգնությամբ»,- ասել է Սամվել Կարապետյանը: