Փաշինյանը ԵԱՏՄ-ին անդամակցելու թեման տեղափոխում է դեմագոգիայի դաշտ․ Զախարովա

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, թե ՀՀ վարչապետ Նիկոլ Փաշինյանը ԵԱՏՄ–ին Հայաստանի անդամակցության թեմայով քննարկումը տեղափոխում է դեմագոգիայի դաշտ։

«Նախկինում նա այդպես էր վարվել ՀԱՊԿ–ում Հայաստանի մասնակցությունը սառեցնելու հարցում։ Ծանոթացել ենք Նիկոլ Փաշինյանի՝ հունիսի 25-ին կառավարության նիստում արած հայտարարություններին, ինչպես նաև նիստից հետո լրագրողների հետ շփման ընթացքում հնչեցրած մեկնաբանություններին։ Ակնհայտ է, որ Հայաստանի վարչապետը քննարկումը տեղափոխում է դեմագոգիայի դաշտ»,–Զախարովայի խոսքը մեջբերում է «ՌԻԱ Նովոստի»–ն։