Փաշինյանը չպատասխանեց Ռուբեն Վարդանյանին․ չգիտի, թե ինչ պայմաններում է հայտարարություն արել

Բաքվում անազատության մեջ պահվող որևէ անձի հայտարարություն չեմ մեկնաբանի, լրագրողների հետ զրույցում ասել է ՀՀ վարչապետ Նիկոլ Փաշինյանը։

«Չեմ պատասխանի, որովհետև պարզ չի, թե նրանք ինչ պայմաններում ու ինչ հանգամանքներում են անում հայտարարություններ»,-նշել է Փաշինյանը՝ արձագանքելով դիտարկմանը, թե Բաքվում անազատության մեջ գտնվող Ռուբեն Վարդանյանն ասել է՝ «անբարոյական է շքերթ անել այն իրավիճակում, երբ մեր սպաներն ու զինվորները գտնվում են այստեղ»։