«Ուժեղ Հայաստան» կուսակցությունն այցելել է  Շենգավիթ համայնք

«Ուժեղ Հայաստան» կուսակցությունն այցելել է  Շենգավիթ համայնք։

«Շենգավիթը ժամանակին արդյունաբերական կենտրոն է եղել, ցավոք, տնտեսական ամբողջ հզորությունը ժամանակի ընթացքում կորսվել է:  Ցավոք, այն տնտեսական հզորությունը, որը Շենգավիթն ուներ, այն գործարանները, որոնք ամբողջ աշխարհին արտադրանք էին մատակարարում, փակվեցին, սխալ, թույլ քաղաքականությանհետևանքով :Այդ իսկ պատճառով  էլ Շենգավիթն այսօր ամենամեծ գործազրկություն ունեցող թաղամասերից է»,- թաղամասի բնակիչների հետ հանդիպման ժամանակ ասաց «Ուժեղ Հայաստան» կուսակցության խորհրդի անդամ Նարեկ Կարապետյանը։

Նարեկ Կարապետյանը հայտարարեց, որ Շենգավիթը պետք է վերածնունդ ապրի,  աշխատանքը պետք է 24 ժամ եռա, գործարանները պետք է վերաբացվեն՝ նոր ժամանակակից տեխնոլոգիաներով և դրա պոտենցիալը կա: «Հայաստանը աշխարհին պետք է հայտնի լինի ոչ միայն կոնյակով, ծիրանով, այլև հայի մտքով»,- ասաց Նարեկ Կարապետյանը:

 Կարապետյանը հայտարարեց  նաև, որ այս ամենը  իրականություն կդառնա հունիսի 7-ի ընտրություններից հետո, երբ սկսվեն իրագործվել «Ուժեղ Հայաստանի» ծրագրերը, քանի որ Շենգավիրն ունի այդ պոտենցիալը: