«Որոշակի նյարդ են հաղորդում». Երևանը կշարունակի ՌԴ-ի հետ երկաթգծի հարցով լուծում փնտրել

ՀՀ վարչապետ Նիկոլ Փաշինյանն ասել է՝ Հայաստանը շարունակելու է աշխատել ռուս գործընկերների հետ երկաթուղու առանձին հատվածների վերականգնման հարցում փոխշահավետ լուծումներ գտնելու ուղղությամբ, չնայած, որ այդ թեմայով բանակցությունները որոշակի լարվածություն են առաջացնում երկկողմ հարաբերություններում: Այս մասին նա հայտարարել է մայիսի 28-ին անցկացված զորահանդեսից անմիջապես հետո կառավարությունում տեղի ունեցած ճեպազրույցի ժամանակ։

 

Նրա խոսքով՝ երկիրը չպետք է բաց թողնի «պատմական շանսը» և չի կարող հրաժարվել այդ օրակարգից, թեև այդ հարցի շուրջ բանակցությունները «որոշակի նյարդ են հաղորդում» հայ-ռուսական հարաբերություններին:

Կառավարության ղեկավարն ընդգծեց, որ հայկական երկաթուղին տարանցիկ զգալի ներուժ ունի, և Երևանը կշարունակի փոխգործակցությունը ռուսական կողմի հետ՝ դրա վերականգնման և զարգացման փոխշահավետ լուծումներ մշակելու համար: