Որ Գագիկ Ծառուկյանին գործարք առաջարկեինք, ծնկաչոք ընդառաջ կգար. Փաշինյան

Որ ասում են՝ գործարք են առաջարկել, թող ասեն՝ ով ում է առաջարկել: Որ Գագիկ Ծառուկյանին գործարք առաջարկեինք, ծնկաչոք էդ գործարքին ընդառաջ կգար: Այդ մասին լրագրողների հետ ճեպազրույցի ժամանակ հայտարարել է ՀՀ վարչապետ Նիկոլ Փաշինյանը՝ անդրադառնալով հարցին՝ տեղեկություններ կան, որ ընտրություններից առաջ Նիկոլ Փաշինյանը ընդդիմադիրներին փորձել է առաջարկ ներկայացնել, գործարքի գնալ, մասնավորապես՝ Գագիկ Ծառուկյանին:

«Գագիկ Ծառուկյանին Հայաստանում գործարք առաջարկող չի եղել, դրա համար որբի նման ընկել է աշխարհեաշխարհ, տարբեր տեղերում գործարք է փնտրել, գտել, հետո պարզվել է՝ ընդամենը իրեն հավաքագրել են, ինքը դրանից տեղյակ էլ չէ: Ո՞վ է ո՞ւմ գործարք առաջարկել: Գագիկ Ծառուկյանը կխնդրի, որ գործարք առաջարկեմ, Գագիկ Ծառուկյանը ստոյկա կտա, որ ես գործարք առաջարկեմ իրեն»,- հայտարարել է նա: