Ողբերգական դեպք՝ Մասիսում․ հրշեջները, մարելով տանն առաջացած կրակը, հայտնաբերել են 2 մոխրացած տղամարդու մարմին

Մայիսի 19-ին խոշոր հրդեհ և ողբերգական դեպք է տեղի ունեցել Արարատի մարզի Մասիս քաղաքում։ Ժամը 20:00-ի սահմաններում Երևանի փողոցի տներից մեկում նկատվել է կրակ և ծուխ, հայտնում է Shamshyan․com-ը։

Դեպքի վայր են ժամանել ոստիկանության և փրկարար ծառայության ուժերը, որոնք մարել են հրդեհը։ Տան ներսում հայտնաբերվել են 2 քաղաքացու կիսամոխրացած դիեր։

Երկու տուժածներ շտապօգնության կողմից տեղափոխվել են Երևանի Այրվածքաբանության ազգային կենտրոն։

Դեպքի առթիվ նախաձեռնվել է քրեական վարույթ, քննություն է տարվում դեպքի հանգամանքներն ու անձանց ինքնությունը պարզելու ուղղությամբ։ Ըստ նախնական տեղեկությունների՝ մահացածներն ու վիրավորները օտարերկրացիներ են։