«Ոչ հների, ոչ գործողների հետ»․ Ծառուկյանը կտրուկ հայտարարություն արեց

«Մեր բոլորի ուզածն այն է, որ այս վիճակից դուրս գանք, մեր մեջքն ուղղենք, որպեսզի աշխարհը մեզ հարգի», — լրագրողների հետ զրույցում հայտարարեց ԲՀԿ նախագահ Գագիկ Ծառուկյանը՝ ներկայացնելով իր գլխավորած քաղաքական ուժի առաջնահերթությունները։

Նա վերահաստատեց, որ ընտրություններում հաղթելու դեպքում իրեն վարչապետի պաշտոնում չի պատկերացնում։ Նրա խոսքով՝ թիմում կքննարկվեն մի քանի թեկնածուներ, և նրանցից մեկը կընտրվի որպես վարչապետի թեկնածու։

«Հնարավոր է նաև, որ ես խորհրդարան չմտնեմ», — հավելեց նա։

Անդրադառնալով Ռոբերտ Քոչարյանի գլխավորած քաղաքական ուժի հետ հնարավոր համագործակցությանը՝ Ծառուկյանը բացառեց նման տարբերակը։

 «Հներից ոչ մեկի հետ չեմ պատկերացնում, այսօր գործողների հետ չեմ պատկերացնում», — նշեց նա։