Նուբարաշեն աղբավայրում պայթյունի դեպքով նախաձեռնվել է քրեական վարույթ. ՔԿ

Ապրիլի 18-ին՝ 18:00-ի սահմաններում, Երևանի քաղաքապետարանի հաշվեկշռում հաշվառված Նուբարաշեն աղբավայրում պայթյուն էր տեղի ունեցել, ինչի հետևանքով կային տուժածներ։

Քննչական կոմիտեից հայտնեցին, որ դեպքի առթիվ նախաձեռնվել է քրեական վարույթ:

«Դեպքի առթիվ նախաձեռնվել է քրեական վարույթ՝ Քրեական օրենսգրքի 412-րդ հոդվածի 1-ին մասով (անվտանգության պահանջներին չհամապատասխանող հումքերի կամ ապրանքների շրջանառությունը, աշխատանքների կատարումը կամ ծառայությունների մատուցումը):

Նշանակվել են մի շարք փորձաքննություններ»,- նշվում է ՔԿ հաղորդագրության մեջ: