«Նոր ուժ» կուսակցության վարչապետի թեկնածու Հայկ Մարությանը քվեարկել է

«Նոր ուժ» կուսակցության վարչապետի թեկնածու Հայկ Մարությանը քվեարկել է: Հայկ Մարությանը խոսել է ընտրողների ակտիվ մասնակցությունից և կարծիք է հայտնել այն մասին, որ սա խոսում է ժողովրդի արթնացման մասին և այն մասին, որ հենց ժողովուրդն է որոշում, թե որ ուղղությամբ պետք է ընթանա Հայաստանը:

Իսկ հարցին, թե ակտիվ մասնակցության հետևանքով  ընդդիմությունը հնարավորություն ունի ավել շատ ձայներ հավաքելու, թե իշխանությունը՝ Մարությանը պատասխանել է.

« Ինձ համար կարևոր է, որ մարդիկ արթնացել են, մարդիկ հավատում են և զգում են, որ իրենցից է կախված Հայաստանի ապագան: Բարձր մասնակցությունն այսպես թե այնպես լավ է, որովհետև ավելի շատ մարդ է մտածում պետության մասին և մտածում են՝ ինչպիսին պետք է լինի Հայաստանը վաղը:

Հաշվի առնելով երկար տարիների փորձը, ես կարծում եմ՝ ընդդիմության ձայներն են, որովհետև իշխանությունն իր լծակները, վարչական ռեսուրսն աշխատացնելով այնպես է անում , որ իր ձայներն այսպես թե այնպես հասնում են տեղ: Այսինքն՝ այս տոկոսն ընդդիմության տոկոսն է»: