Նիկոլ Փաշինյանը վստահություն է հայտնել, որ այս ընտրությունների արդյունքում Ժողովուրդն է լինելու հաղթողը, քանի որ հաստատվելու է ժողովրդի իշխանությունը

Երևանի Կենտրոն վարչական շրջանում նախընտրական քարոզարշավի շրջանակում ունեցած ելույթում Հայաստանի վարչապետ, «Քաղաքացիական պայմանագիր» կուսակցության վարչության նախագահ Նիկոլ Փաշինյանը հայտարարել է, 2018 թվականի հեղափոխությունից հետո Հայաստանում իշխանությունը վերադարձվել է ժողովրդին և, որ Հայաստանում հունիսի 7-ին կայանալիք խորհրդարանական  ընտրությունների հաղթողը լինելու է ժողովուրդը, քանի որ հենց քաղաքացիներն են որոշելու երկրի հետագա քաղաքական ուղղությունը։

Փաշինյանն ասել է, որ ընտրությունները ոչ միայն քաղաքական, այլև բովանդակային և էմոցիոնալ գործընթաց են, քանի որ քաղաքացին պետք է ընդունի քաղաքական ուժի առաջարկած ուղերձը և կապ հաստատի դրա հետ։ Նա վստահություն է հայտնել նաև, որ այս ընտրությունների արդյունքում Ժողովուրդն է լինելու հաղթողը, քանի որ ժողովրդի իշխանությունն է հաստատվելու:

«Այսօր ժողովուրդը տերն է, իշխանությունը՝ ծառան։ Եվ ծառա լինելը ամենևին էլ նսեմացնող կամ նվաստացուցիչ չէ, ընդհակառակը՝ մեծ պատիվ է»,- հայտարարել է Փաշինյանը։